ఊహించని సంఘటన యునైటెడ్ స్టేట్స్‌లోని రోడ్ ఐలాండ్‌లోని వెస్టర్లీలోని మిస్క్వామికట్ స్టేట్ బీచ్‌లో చోటు చేసుకుంది. జూలై 27న శనివారం రోడ్ ఐలాండ్‌లోని బీచ్‌కి వెళ్ళిన వారు అసాధారణమైన దృశ్యాన్ని చూసారు. ఆకాశంలో మేఘంలా నిండిన డ్రాగన్‌ఫ్లైస్ గుంపులో చిక్కుకున్నారు. సందర్శకుల్లో చాలా మంది ఆశ్చర్యపోయారు. కొంతమంది ఈ సన్నివేశాన్ని కవర్ చేయడం కోసం పరుగులు తీశారు. మరికొందరు ప్రశాంతంగా ఉన్నారు. తర్వాత వారు ఆ అనుభవాన్ని “ప్రళయం” కోసం హాజరుకావడంతో పోల్చారు. సోషల్ మీడియాలో పోస్ట్ చేసిన ఈ వీడియోల్లో మధ్యాహ్నం విశ్రాంతి కోసం మిస్క్వామికట్ బీచ్‌కు వెళ్లిన వ్యక్తులు అకస్మాత్తుగా గందరగోళంలోకి నెట్టబడినట్లు చూపుతాయి. కొందరు సందర్శకులు ఊహించని తాకిడిని ఆస్వాదిస్తూ.. గుంపు మధ్య ఫోటోలు, వీడియోలు తీసుకుంటూ కనిపించారు. మరికొందరు తమని తాము టవల్‌ల క్రింద కప్పుకున్నారు. అదే సమయంలో వివిధ వైపుల నుండి దిగ్భ్రాంతితో కూడిన అరుపులు వినిపిస్తున్నాయి కూడా.. లెక్కలేనన్ని తూనీగలు బీచ్ లోని తీరప్రాంతం పైన ఉన్న గగనతలంపై ఆధిపత్యం చెలాయిస్తున్న క్షణాన్ని వీడియో క్యాప్చర్ చేసింది. తూనీగలు అకస్మాత్తుగా కనిపించడంతో బీచ్ లో ఉన్న పర్యాటకులు రకరకాల చర్యలకు పాల్పడ్డారు. ఈ తునీగల అసాధారణ దృశ్యం పర్యావరణానికి సంబంధించిన అనేక చర్చలకు దారితీసింది. కొంతమంది బీచ్‌కి వెళ్లేవారు అరుస్తూ పరుగెత్తుతుండగా, మరికొందరు తునీగల గుంపు నుంచి తమను తాము రక్షించుకోవడానికి బాడీ బోర్డుల వంటి వస్తువులను ఉపయోగించారు. గందరగోళం నెలకొన్నప్పటికీ చాలా మంది వ్యక్తులు తమ బీచ్ టవల్‌లపై కూర్చుని.. గుంపు దాటిపోయే సన్నివేశాని చూస్తూ.. నిరీక్షిస్తూ ప్రశాంతంగా ఉన్నారు. ఈ ఘటనను వీడియో తీసిన రిచర్డ్ సోంటాగ్ మాట్లాడుతూ ఈ ఘటనను “దండయాత్ర”గా అభివర్ణించారు. ఈ అసాధారణ సంఘటన ఆ ప్రాంతంలో ఇంత భారీ సంఖ్యలో తూనీగలు రావడానికి గల కారణమేమిటని చాలా మంది ఆశ్చర్యపోతున్నారు.
