🔴 ఆంధ్రప్రదేశ్లో వైఎస్సార్సీపీ మళ్లీ అధికారంలోకి వస్తే జగన్ సీఎం పగ్గాలు చేపట్టడం ఖాయం, టీడీపీ పవర్‌లోకి వస్తే చంద్రబాబు సీఎం అవుతారు. కానీ ఈసారి సర్వత్రా వినిపించిన పేరు జనసేన అధినేత పవన్ కళ్యాణ్‌ది. టీడీపీతో పొత్తు చేసిన నాటి నుంచి, ఎన్నికల ఫలితాలు వెలువడే సమయం వరకు ఏపీ యువతలో పవన్ గురించే చర్చ. పిఠాపురంలో పవన్ గెలుస్తారా? ఆయనకు ఎంత మెజారిటీ వస్తుంది? జనసేన ఎన్ని సీట్లు గెలుస్తుంది? 🌟
2019లో జనసేన ఒక్క సీటుకే పరిమితమైంది. ఈసారి డబుల్ డిజిట్ సీట్లు, రెండు ఎంపీ సీట్లు సాధిస్తుందని ఎగ్జిట్ పోల్స్ అంచనా వేశాయి. గత ఎన్నికల్లో గాజువాక, భీమవరం నుంచి పోటీ చేసి ఓడిన పవన్ ఈసారి పిఠాపురంలో గెలుస్తారని సర్వేలు చెబుతున్నాయి.
ఏపీ పాలిటిక్స్‌లో గేమ్ ఛేంజర్ పవన్ కళ్యాణ్
2014లో టీడీపీ, వైఎస్సార్సీపీ పోటీగా ఉన్నప్పుడు, పవన్ మద్దతు టీడీపీకి కలిసొచ్చి టీడీపీ అధికారంలోకి వచ్చింది. 2019లో జనసేన బీఎస్పీ, కమ్యూనిస్టులతో కలిసి బరిలోకి దిగింది. ఆ ఎన్నికల్లో జనసేన ఒక్క సీటే గెలుచుకుంది. పవన్ అసెంబ్లీలో అడుగుపెట్టలేదు. దీంతో జనసేన మనుగడపై అనుమానాలు వచ్చాయి.
అయినా, పవన్ ఈ ఐదేళ్లలో పార్టీని కాపాడుకున్నారు. టీడీపీతో పొత్తు, బీజేపీని ఒప్పించి, వైఎస్సార్సీపీని ఓడించడమే లక్ష్యంగా అడుగులేశారు. జనసేన డబుల్ డిజిట్ సీట్లు గెలిచి, వైఎస్సార్సీపీ ఓడితే పవన్ లక్ష్యం నెరవేరినట్టే. 2019లో ఓడిన తర్వాత పవన్ ఈసారి గేమ్ ఛేంజర్ అవుతారని ఖచ్చితంగా చెప్పవచ్చు! 🏆
