ప్రపంచంలో ఆపిల్ వాచ్ లకు ఉన్న క్రేజ్ అంతా ఇంతా కాదు. తాజాగా ఆపిల్ వాచ్ లను మనుషులే కాదు జంతువులకు సైతం వినియోగిస్తున్నారు. ఈ సన్నివేశం ఆస్ట్రేలియాలో చోటుచేసుకుంది. ఆస్ట్రేలియాలో ఉన్న వెటర్నరీ డాక్టర్లు ఆ దేశ జంతువుల సంరక్షణ కోసం ఆపిల్ వాచ్లను వినియోగిస్తున్నారు.
ఆస్ట్రేలియా అడవుల్లో ఉన్న జంతువులకు ఆపిల్ వాచ్లను అమర్చి వాటి ఆరోగ్య పరిస్థితిని ఎప్పటికప్పుడు సమీక్షిస్తున్నారు. కొద్దిరోజుల క్రితం ఆస్ట్రేలియాలో ఉన్న ఒక ఏనుగు చెవికి ఆపిల్ వాచ్ ను తొడిగారు. ఏనుగు కు సంబంధించిన హార్ట్ రేట్ ను పరిశీలించేందుకు ఆపిల్ వాచ్లు ఎంతగానో ఉపయోగపడుతున్నట్లు ఆస్ట్రేలియా డాక్టర్లు అభిప్రాయపడ్డారు. ఇక తాజాగా సింహానికి సైతం ఆపిల్ వాచ్ ను అమర్చేందుకు వెటర్నరీ డాక్టర్లు సిద్ధమయ్యారు.
సింహానికి సంబంధించిన ఆరోగ్య పరిస్థితిని ఎప్పటికప్పుడు తెలుసుకునేందుకు సింహం యొక్క నాలుకకు ఆపిల్ వాచ్ ను అమరుచారు. అయితే సింహం సాధారణ స్థితిలో ఉన్నప్పుడు అది వీలు కాదు కాబట్టి సింహానికి మత్తుమందు ఇచ్చి అది పూర్తిగా మత్తులోకి జారుకున్న తర్వాత దాని ఆరోగ్య పరిస్థితిని సమీక్షించేందుకు సింహం నాలుకకు ఆపిల్ వాచ్ ను జోడించారు. ఈ విషయాన్ని ఇంస్టాగ్రామ్ లో ఆస్ట్రేలియా కు చెందిన డాక్టర్ పంచుకున్నాడు. జంతువుల కూడా ఆపిల్ వాచ్లు ఉపయోగపడుతుండడం విశేషం.
