‘బేబీ’ సినిమాతో దర్శకుడు సాయి రాజేష్ పేరు మారుమోగింది. అంతకు ముందు హృదయకాలేయం, కొబ్టరి మట్ట వంటి డిఫరెంట్ కాన్సెప్ట్ మూవీస్‌తో సంపూర్ణేష్ బాబుని హీరోగా పరిచయం చేస్తూ పొట్ట చెక్కలు చేసిన.. సాయి రాజేష్.. ‘కలర్ ఫొటో’ చిత్రంతో జాతీయ అవార్డుని అందుకున్నారు. అనంతరం.. ‘బేబీ’ సినిమాతో ఇండస్ట్రీ హిట్ అందుకుని.. యూత్‌లో క్రేజ్ దక్కించుకున్నారు.
అయితే సాయి రాజేష్‌కి మెగాస్టార్ వీరాభిమాత్రమే కాకుండా.. మెగా దర్శకుడనే పేరు కూడా ఉంది. ప్రస్తుతం జనసేన పార్టీ తరుఫున ప్రచారం చేస్తున్న సాయి రాజేష్.. ఇంతవరకూ మెగా హీరోలతో పాటు స్టార్ హీరోలతో సినిమా చేయకపోవడానికి గల కారణాల్ని చెప్పుకొచ్చాడు.
‘‘మెగా ఫ్యామిలీ అంటే నాకు ఫ్యామిలీ లెక్కే కానీ.. పెద్ద హీరోలతో సినిమా అంటే.. వాళ్లు ఛాన్స్ ఇవ్వాలి. నిజానికి నాకు స్టార్ హీరోలతో సినిమా చేయాలని మైండ్ సెట్ లేదు. ఎందుకంటే నాకు రియాలిటీ ఏంటో తెలుసు.. నేను చేశాను. వాళ్లు సెట్‌లోకి వస్తే.. వాతావరణం మొత్తం మారిపోతుంది. సినిమా మన చేతుల్లో ఉండదనే భయం ఉంది. కానీ మా ప్రొడ్యుసర్ ఒప్పుకోవడం లేదు. నెక్స్ట్ సినిమా స్టార్ హీరోతో చేయాలని అంటున్నారు. చూద్దాం మరి ఏమౌతుందో.
ఇలాంటి నిజాలను బయటకు చెప్తే ఏముంది? నాకు ఎలాగూ సంపూతో సినిమాలు చేయడం వచ్చు. మళ్లీ అవే చేసుకుంటా. నాకు కథలు చెప్పడం ఇష్టం.. ఎవరికి చెప్పాం అన్నది ముఖ్యం కాదు. పైపైకి వెళ్లాలనేది ఏం లేదు. కడుపు నిండితే చాలు.
హృదయకాలేయం సినిమా అసలు ఎవరికీ నచ్చలేదు. ఆ హార్ట్ తయారుచేయడం అనేది 15, 20 నిమిషాలు రాసేశా. డైలాగ్ వెర్షన్ కూడా ఒకరోజులోనే రాసేశా. సంపూ ఆ సినిమా ప్లస్. సంపూ కోసం సాఫ్ట్ వేర్ వాళ్లు వచ్చి మల్టీప్లెక్స్‌లలో డాన్స్లు చేయడం అనేది చాలా రోజుల తరువాత చేశాను.
కలర్ ఫొటో సినిమా నా కథే. హృదయకాలేయం, కలర్ ఫొటో ఈ రెండూ నాకు డ్యామేజ్ చేశాయి. ఛాన్స్‌ల పరంగా. హీరోలు దొరకలేకే ఈ సినిమాలు చేశా. కానీ ఇవి చేశాక మొత్తం పోయాయి. ఆ టైంలోనే బేబీ ఆలోచన కూడా వచ్చింది. కలర్ ఫొటో నా మర్యాద కోసమే చేశాను. ఎట్టాగూ మనకి హీరో రారు.. ఎవరైనా చిన్న హీరోతో చేద్దాం అని సుశాంత్‌తో చేశా. ఆ సినిమాకి నేషనల్ అవార్డ్ వచ్చింది.
కలర్ ఫొటో నాది నా భార్య రియల్ స్టోరీనే. ఇక బేబీ సినిమా అయితే.. ఫస్ట్ లవ్‌లోని పెయిన్‌ని చూపించాలని అనుకున్నాను. లవ్‌లో ఉన్న రియాలిటీ ఏంటో చూపించాలని అనుకున్నా. సినిమాటిక్‌గా అయితే.. ఆ అమ్మాయి చెప్పిన దానికి హీరో కన్వెన్స్ అవ్వాలి. కానీ రియాలిటీలో లవర్స్ అలా ఉండరు. కానీ సినిమాలో రియాలిటీ ఉంటుంది. ప్రేమ అనేది జెన్యూన్‌గానే ఉంటుంది. అదే చూపించాలని అనుకున్నా. ప్రస్తుతం రెండు సినిమాలు చేస్తున్నా. ఆనంద్, వైష్ణవి ఇద్దరి కాంబినేషన్‌లో ఓ సినిమా. హారిక అలేఖ్య, సంతోష్ శోభన్‌లతో కలిసి మరో సినిమా చేస్తున్నా.. ఈ రెండూ బెస్ట్ లవ్ స్టోరీస్ అవుతాయని చాలా కాన్ఫిడెన్స్‌గా ఉన్నాను’ అంటూ చెప్పుకొచ్చారు సాయి రాజేష్.
