యుద్ధం కన్నా నీరే పవర్ ఫుల్! కరోనాకు మించి డేంజర్ బెల్స్!

"ముఖం కడుక్కుని రా" అంటే కొంతమంది బకెట్ నీళ్లు వాడతారు. "చేతులు శుభ్రంగా కడుక్కో" అంటే అర బకెట్ ఖర్చవుతుంది. "స్నానం చెయ్యి" అంటే రెండు, మూడు బకెట్లు ఖర్చవుతాయి. ఇంతటి నీటి వృథా చూసి తట్టుకోలేని వారు నీటి లభ్యత గురించి తెలుసుకోవాలి.

మనకు H2O అనేది నీరు అని తెలుసు. రెండు హైడ్రోజన్ అణువులు, ఒక ఆక్సిజన్ అణువుతో నీరు వస్తుంది. కానీ, మన వాతావరణంలో అనేక హైడ్రోజన్, ఆక్సిజన్ అణువులు ఉన్నప్పటికీ, మనం సరిపడా నీటిని తయారుచేయలేము. పెద్ద ప్రయోగశాలల్లో చేసినా సరిపడే నీరు లభ్యం కాదు. ప్రకృతి మనకు ఇస్తే తప్ప నీరు పొందలేము. అయితే, మనం ప్రకృతిని నాశనం చేస్తే నీరు ఎక్కడి నుంచి వస్తుంది?

నీటి సంక్షోభం

మన భూమిపై 70% నీరు ఉంది కానీ, అందులో 97.2% సముద్రపు నీరు, తాగడానికి పనికిరాదు. 2.15% మంచు రూపంలో ఉంది. తాగడానికి పనికి వచ్చే నీరు చాలా తక్కువ. నగరాల్లోని ప్రజలు, ముఖ్యంగా ఢిల్లీ, బెంగళూరు, చెన్నై వంటి నగరాలు తీవ్ర నీటి కొరతను ఎదుర్కొంటున్నాయి.

నాగరికతలు నదీ తీరంలోనే పుట్టాయి. ఇప్పుడు కూడా 80% ప్రపంచ జనాభా నదీ తీరంలోనే బతుకుతున్నారు. కానీ, మనిషి నదులను కలుషితం చేస్తూ వాటి విలువను మర్చిపోతున్నాడు. హైదరాబాద్ నగరం మూసీ నది తీరంలో ఏర్పడింది. ఇప్పుడా నదిలో తాగునీరు లేదు. హుస్సేన్ సాగర్ ఒకప్పుడు నీటి అవసరాలను తీర్చేది. కానీ ఇప్పుడు ఎవరూ అక్కడి నీరు తాగలేరు.

ఒక అధ్యయనం ప్రకారం, 2050 నాటికి 3,061 రివర్ బేసిన్లలో నీరు తాగడానికి పనికిరాదని వెల్లడించింది. ఇది మనిషి నిర్లక్ష్యాన్ని చూపుతుంది. పండగలప్పుడు స్నానం చేయడానికి నదులకు వెళ్లి, సబ్బులు, షాంపులు ఉపయోగించి నదులను కలుషితం చేస్తూ వస్తున్నాం.

గ్లోబల్ ఇంపాక్ట్ మరియు భవిష్యత్తు సవాళ్లు

ఆఫ్రికా వంటి దేశాల్లో నీటి విలువ అర్థం అవుతుంది. కరువు సమయంలో మురుగు నీటిని తాగాల్సి వస్తుంది. ప్రపంచవ్యాప్తంగా నీటి కొరత వల్ల 200,000 మంది మరణిస్తున్నారు. ఐక్యరాజ్యసమితి 2023 నాటికి తాగునీరు అందించాలని లక్ష్యంగా పెట్టుకుంది కానీ, అది నెరవేరలేదు.

భారతదేశంలో నీటి అవసరాలు రెట్టింపు కాబోతున్నాయి. నీటి కొరత దేశ జీడీపీలో 6% తగ్గుదలకు కారణమవుతుంది. ఐక్యరాజ్యసమితి 2050 నాటికి భారతదేశంలో తీవ్ర నీటి కొరత ఉంటుందని హెచ్చరించింది. 2025 నాటికి 1.8 బిలియన్ మంది తీవ్రమైన నీటి కొరతను ఎదుర్కోబోతున్నారు.

ప్రపంచంలోని అతిపెద్ద నగరాలు నీటి సమస్యలను ఎదుర్కొంటున్నాయి. ప్రతి నాలుగు నగరాల్లో ఒకటి నీటి ఎద్దడిని ఎదుర్కొంటుంది. ఆసియాలో 80% ప్రజలు నీటి సమస్యను ఎదుర్కొంటున్నారు.

నీటి యుద్ధాలు

భవిష్యత్తులో యుద్ధాలు నీటి కోసమే జరగవచ్చు. రాష్ట్రాల మధ్య, దేశాల మధ్య కూడా నీటి వివాదాలు ఉన్నాయి. నదీ జలాల వివాదాలు నీటి విలువను చెప్పకనే చెబుతున్నాయి. నీటి సంరక్షణ చాలా ముఖ్యమని ఇప్పుడు ఆలోచించాలి. ప్రతి చుక్క నీటిని ఆదా చేయాలి.