మలయాళ మెగాస్టార్ మమ్ముట్టి నటవారసుడిగా ఇండస్ట్రీకి వచ్చాడు దుల్కర్ సల్మాన్. అనతి కాలంలోనే తన సొంత టాలెంట్ తో స్టార్ హీరో ఇమేజ్ సంపాదించుకున్నాడు. ఈ మధ్యన తెలుగు సినిమాల్లోనే ఎక్కువగా కనిపిస్తున్నాడీ హ్యాండ్సమ్ హీరో.
మహానటి సినిమాతో టాలీవుడ్ ఎంట్రీ ఇచ్చిన దుల్కర్ సల్మాన్.. సీతా రామం సినిమాతో బ్లాక్ బస్టర్ కొట్టాడు. త్వరలోనే లక్కీ భాస్కర్ గా మరో తెలుగు సినిమాతో మన ముందుకు వస్తున్నాడు.
సితార ఎంటర్‌టైన్మెంట్స్‌లో బ్యానర్ లో లక్కీ భాస్కర్ సినిమా రూపొందుతోంది. సెప్టెంబర్ 7న ఈ చిత్రం విడుదల కానుంది. మీనాక్షి చౌదరి హీరోయిన్‌గా నటిస్తున్న ఈ సినిమాకు వెంకీ అట్లూరీ దర్శకుడు.
ఇప్పుడు పవన్ సాధినేని దర్శకత్వంలో ఆకాశంలో ఒక తార అనే మరో డైరెక్ట్ తెలుగు సినిమాకు పచ్చ జెండా ఊపాడు దుల్కర్. త్వరలోనే ఈ సినిమా షూటింగ్ పట్టాలెక్కనుంది.
సినిమాల సంగతి పక్కన పెడితే.. దుల్కర్ సల్మాన్ ఆర్చిటెక్ట్ అమల్ సుఫీయాన ప్రేమ వివాహం చేసుకున్నాడు. 2011లో వీరి వివాహం జరిగింది. 2017లో ఈ దంపతులకు పండంటి ఆడ బిడ్డ పుట్టింది.
కాగా దుల్కర్ సల్మాన్ అమల్ ఫొటోలు ప్రస్తుతం సోషల్ మీడియాలో బాగా వైరలవుతున్నాయి. వీటిని చూసిన నెటిజన్లు అమల్ హీరోయిన్లకు ఏ మాత్రం తీసిపోదని క్రేజీగా కామెంట్స్ చేస్తున్నారు.
