చెన్నైలోని చెపాక్ మైదాన్‌లో ఆర్సీబీ (RCB)తో జరిగిన మ్యాచ్‌లో మహేంద్ర సింగ్ ధోని (MS Dhoni) ప్రత్యేక రికార్డును లిఖించాడు. అద్భుతమైన ఫీల్డింగ్‌ కూడా ప్రత్యేకంగా నిలిచింది. తొలుత టాస్ గెలిచిన ఆర్సీబీ బ్యాటింగ్ చేసింది.
అందుకు తగ్గట్టుగానే గొప్ప బౌలింగ్ ఎటాక్ నిర్వహించిన సీఎస్ కే బౌలర్లు.. ఆర్సీబీ జట్టుకు ఆదిలోనే షాక్ ఇవ్వడంలో సఫలమయ్యారు. ముఖ్యంగా ముస్తాఫిజుర్ రెహమాన్ 4 వికెట్లతో మెరిశాడు. ఇందులో వికెట్ కీపర్ మహేంద్ర సింగ్ ధోనీ 2 అద్బుతమైన క్యాచ్‌లు అందుకున్నాడు.
ఆర్సీబీ ఇన్నింగ్స్ చివరి బంతికి మహేంద్ర సింగ్ ధోనీ చేతిలో అనూజ్ రావత్ రనౌట్ అయ్యాడు. ఈ రనౌట్‌తో ఐపీఎల్ చరిత్రలో అత్యధిక రనౌట్ చేసిన ఆటగాడిగా ధోని నిలిచాడు.
ఇంతకు ముందు ఈ అరుదైన రికార్డు రవీంద్ర జడేజా పేరిట ఉండేది. 227 ఐపీఎల్ మ్యాచ్‌లు ఆడిన జడేజా.. మొత్తం 23 రనౌట్‌లు చేసి ఈ ప్రత్యేక రికార్డును లిఖించాడు.
251వ మ్యాచ్‌లో అనుజ్ రావత్‌ను రనౌట్ చేయడం ద్వారా ధోనీ ఈ రికార్డును బద్దలు కొట్టాడు. అలాగే ధోనీ 42 ఏళ్ల వయసులో కూడా ఐపీఎల్‌లో 24 రనౌట్‌లు చేసి ప్రత్యేక రికార్డును లిఖించగలిగాడు.
ఐపీఎల్ చరిత్రలో అత్యంత విజయవంతమైన వికెట్ కీపర్‌గా మహేంద్ర సింగ్ ధోనీ రికార్డు సృష్టించాడు. 251 మ్యాచ్‌ల్లో 140 క్యాచ్‌లు, 42 స్టంపింగ్‌లు చేసి ధోనీ ఈ రికార్డును లిఖించాడు.
