ప్రస్తుతం టెక్‌ ప్రపంచంలో ట్యాబ్స్‌కి ఎలాంటి క్రేజ్‌ ఉందో ప్రత్యేకంగా చెప్పాల్సిన పనిలేదు. ఓటీటీ స్ట్రీమింగ్ సేవలు అందుబాటులోకి రావడం, గేమ్స్‌కు ఎక్కువగా ఆదరణ పెరగడంతో చాలా మంది ట్యాబ్స్‌ను ఉపయోగిస్తున్నారు. ఈ నేపథ్యంలోనే కంపెనీలు సైతం అధునాతన ఫీచర్లతో కూడిన ట్యాబ్స్‌ను మార్కెట్లోకి తీసుకొస్తున్నారు. ఇందులో భాగంగానే తాజాగా ప్రముఖ ఎలక్ట్రానిక్‌ దిగ్గజం రెడ్‌మీ మార్కెట్లోకి కొత్త ట్యాబ్‌ను తీసుకొచ్చే పనిలో పడింది. రెడ్‌మీ ప్యాడ్ ప్రో 5జీ పేరుతో ఈ ట్యాబ్‌ను లాంచ్ చేయనున్నారు.
తొలుత గ్లోబల్ మార్కెట్‌లో లాంచ్ కానున్న ఈ ట్యాబ్ ఆ తర్వాత ఇండియన్‌ మార్కెట్లోకి రానుంది. ఇంతకి ఈ ట్యాబ్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం. ఈ ట్యాబ్ ఫీచర్ల విషయానికొస్తే ఇందులో 1.1 ఇంచెస్‌తో కూడిన 2.5 కే ఎల్‌సీడీ ప్యానెల్‌ సెటప్‌ను అందించారు. 2560×1600 పిక్సెల్ రిజల్యూషన్‌, 120Hz రిఫ్రెష్ రేట్‌ ఈ స్క్రీన్ సొంతం. 180Hz టచ్ శాంప్లింగ్ రేట్‌ను అందించారు. అలాగే ఈ స్క్రీన్ 600 నిట్స్‌ పీక్‌ బ్రైట్‌ను విడుదల చేస్తుంది. దీంతో సన్‌లైట్‌లోనూ స్క్రీన్ క్లియర్‌గా కనిపిస్తుంది.
ఇక ట్యాబ్ డిస్‌ప్లే ప్రొటెక్షన్‌ కోసం గొరిల్లా గ్లాస్‌ను అందించారు. ఈ ట్యాబ్‌ను 8 జీబీ ర్యామ్‌, 256 జీబీ స్టోరేజ్‌ కెపాసిటీతో తీసుకొస్తున్నారు. మైక్రో SD కార్డ్ సహాయంతో ఇంటర్నల్‌ మెమోరీని 1.5 టీబీ వరకు పెంచుకోవచ్చు. ఇక ఈ ట్యాబ్ ఆక్టా-కోర్ స్నాప్‌డ్రాగన్ 7s Gen 2 చిప్‌సెట్‌తో పనిచేస్తుంది. కెమెరా విషయానికొస్తే ఈ ట్యాబ్‌లో 8 మెగాపిక్సెల్స్‌తో కూడిన రెయిర్‌ కెమెరాను, అలాగే 8 మెగాపిక్సెల్స్‌తో కూడిన ఫ్రంట్‌ కెమెరాను అందించారు. ఇక 33 వాట్స్‌ ఫాస్ట్‌ ఛార్జింగ్‌కు సపోర్ట్‌ చేసే 10000 ఎమ్‌ఏహెచ్‌ బ్యాటరీ ఈ ట్యాబ్ ప్రత్యేకతగా చెప్పొచ్చు. ఇందులో ఇన్ డిస్‌ప్లే ఫింగర్‌ పింట్‌ సెన్సార్‌ను అందించారు. కనెక్టివిటీ విషయానికిస్తే ఈ ట్యాబ్‌లో Wi-Fi 6, బ్లూటూత్ 5.2, USB టైప్-C 2.0 వంటి ఫీచర్లను అందించారు.
