ఇంగ్లీష్‌ మీడియం పాఠశాలలపై మోజు తల్లిదండ్రులకు ఆత్మహత్యే..!

మన దేశంలో చాలా మంది ఇంగ్లీష్‌ వచ్చినా రాకపోయినా, ఇంగ్లీష్‌ రావాల్సిందే అనే పరిస్థితి నెలకొంది. దీనివల్ల చాలా మంది తల్లిదండ్రులు అప్పు చేసి అయినా ఇంగ్లీష్‌ మీడియం స్కూళ్లకు పిల్లలను పంపిస్తున్నారు. అయితే, ఇలాంటి స్కూళ్లలో టీచర్లు శిక్షణ పొందిన వారు కాకపోవడం వల్ల, పిల్లలు సరైన విద్యను పొందడంలో విఫలమవుతారు.ఎన్‌సీఈఆర్‌టీ డైరెక్టర్ దినేష్ ప్రసాద్ సక్లానీ ఈ విషయంలో ఆందోళన వ్యక్తం చేశారు. ఇంగ్లీష్‌ మీడియం స్కూళ్లకు పంపించడం పిల్లలకు ఆత్మహత్యే అని చెప్పారు. ప్రభుత్వ పాఠశాలలు కూడా నాణ్యమైన విద్యను అందిస్తున్నాయని, మాతృభాషలో చదువుకోవడం వల్ల పిల్లలు మూలాలు మరువకుండా ఉంటారని పేర్కొన్నారు. మొత్తం ఇంగ్లీష్‌లో కంటెంట్‌ నింపడం వల్ల పిల్లల విజ్ఞానం నష్టపోతుందని చెప్పారు. బహుభాషా విధానం ద్వారా పలు భాషలను నేర్చుకోవచ్చని, ఇది విద్యను మెరుగుపరచడంలో దోహదం చేస్తుందని తెలిపారు.