శోభితా ధూళిపాళ్ల.. ఈ తెలుగు అమ్మడు పేరు ఈ మధ్య కాలంలో ఎక్కువగా వినిపిస్తుంది. 2013 మిస్ ఇండియా అందాల పోటీల్లో రెండో స్థానం సొంతం చేసుకుంది. ఈ అమ్మడు తన నటనతో పాటు అందాలతోనూ ఆకట్టుకుంటుంది.
భరతనాట్యం, కూచిపూడిలోనువు శిక్షణ తీసుకుంది శోభితా ధూళిపాళ్ల. శోభితా ధూళిపాళ్ల 2016లో అనురాగ్ కశ్యప్ దర్శకత్వం వహించిన రామన్ రాఘవ్ 2.0 లో తొలిసారిగా నటించింది. ఈ సినిమా బాలీవుడ్ లో తెరకెక్కింది.
తెలుగులో ఈ అమ్మడు అడవి శేష్ హీరోగా నటించిన గూఢచారి సినిమాలో నటించింది. ఈ సినిమా మంచి విజయాన్ని అందుకుంది. అలాగే మళయాళంలోనూ సినిమాలు చేసింది ఈ ముద్దుగుమ్మ.
అడవి శేష్ హీరోగా నటించిన మేజర్ సినిమాలోనూ నటించింది శోభిత. అలాగే మణిరత్నం దర్శకత్వంలో వచ్చిన పొన్నియన్ సెల్వన్ సినిమాలో నటించింది ఈ చిన్నది. పొన్నియన్ సెల్వన్ రెండు పార్ట్స్ గా తెరకెక్కింది.
తాజాగా శోభిత హాలీవుడ్ లో తెరకెక్కుతోన్న మంకీ మ్యాన్ సినిమాలో నటించింది. ఈ సినిమాలో వేశ్య పాత్రలో కనిపించింది. తెలుగులో త్వరలోనే ఈ సినిమా రిలీజ్ కానుంది. వేశ్య పాత్ర చేయడం చాలా గౌరవంగా అనిపించిందని శోభిత తెలిపింది. ఈ సినిమాలో తన పాత్ర చాలా ప్రాధాన్యత కలిగి ఉంటుందని తెలిపింది. అలాగే తన పాత్రతో చాలా సంతృప్తిగా ఉన్నానని చెప్పుకొచ్చింది.
