మన దగ్గర ఇతర భాషల సినిమాలకు వెబ్ సిరీస్లకు కూడా మంచి క్రేజ్ ఉంటుంది. అలాగే కొరియన్ సినిమాలకు సిరీస్లకు మంచి డిమాండ్ ఉంది. ఇక సూపర్ హిట్ కొరియన్ సిరీస్ ‘స్క్విడ్ గేమ్’ భారీ విజయాన్ని అందుకున్న విషయం తెలిసిందే. ఈ ఇంట్రెస్టింగ్ వెబ్ సిరీస్ ఇంగ్లీషులో కూడా డబ్ చేశారు. స్క్విడ్ గేమ్ సిరీస్ చూసిన ప్రేక్షకులు చాలా థ్రిల్ గా ఫీల్ అయ్యారు. ఈ సిరీస్ సీక్వెల్ కోసం ప్రేక్షకులు ఈగర్ గా ఎదురుచూస్తున్నారు. ఇప్పుడు ఈ సిరీస్‌కి సీక్వెల్ రాబోతోంది. ‘స్క్విడ్ గేమ్ 2’ డిసెంబర్ 26న విడుదల కానుంది. ఈ విషయాన్ని నెట్‌ఫ్లిక్స్ అధికారికంగా ప్రకటించింది. విశేషమేమిటంటే ‘స్క్విడ్ గేమ్ 3’ సిరీస్ కూడా రాబోతోంది. ఇది 2025లో వచ్చే అవకాశం ఉందని తెలుస్తోంది. మొదటి సీజన్ సెప్టెంబర్ 2021లో స్ట్రీమింగ్ మొదలైంది. మొదటి సీజన్ ముగింపులో రెండవ సీజన్‌కు లింక్ ఇచ్చారు. దాంతో ఈ సినిమా సీక్వెల్ కోసం ప్రేక్షకులు ఎదురుచూస్తున్నారు. దాదాపు మూడేళ్ల తర్వాత ఇప్పుడు రెండో సీజన్ రాబోతోంది. చివరి సీజన్ 2025లో స్ట్రీమింగ్ కానుంది. హ్వాంగ్ డాంగ్ హ్యూక్ ఈ సిరీస్ కు దర్శకత్వం వహించారు. ఈ సిరీస్‌లో కొరియన్ స్టార్ లీ జంగ్ జీ ప్రధాన పాత్రలో నటించారు. లే బైయుంగ్ హున్ ఒక రహస్యమైన ఫ్రంట్‌మ్యాన్‌గా కనిపించాడు. వై హా జున్ అలాగే గాంగ్ యూ సిరీస్‌తో తిరిగి రానున్నారు. ‘స్క్విడ్ గేమ్ 2’ టీజర్ రన్నింగ్ రేస్ లాగా ఉంది. ‘ఇప్పుడు అసలైన ఆట ప్రారంభం’ అని క్యాప్షన్ ఇచ్చారు. ‘స్క్విడ్ గేమ్’ ఆడండి లేదా చావండి. మొదటి సీజన్‌లో 456 మంది ఈ గేమ్ లో పాల్గొంటారు. ఆటలో ఓడిపోతే చంపేస్తారు. చివరికి ఒక్కరే బతుకుతారు. ఇలా మొదటి సీజన్ వచ్చింది. రెండవ సీజన్‌లో ఎలాంటి గేమ్‌లు రానుందా.? అని అందరూ ఆసక్తిగా ఎదురుచూస్తున్నారు. ఇక ఈ సీజన్ ఎలా ఉండబోతుంది. ఈ సిరీస్‌లో మరో ఇంట్రెస్టింగ్ గేమ్ ఉండనుందని తెలుస్తోంది.
