చైనాకు చెందిన ఎలక్ట్రానిక్‌ దిగ్గజం వివో మార్కెట్లోకి కొత్త ట్యాబ్‌ను తీసుకొచ్చారు. వివో ప్యాడ్ 3 టాబ్లెట్ పేరుతో ఈ కొత్త ఫీచర్‌ను చైనా మార్కెట్‌లో లాంచ్ చేశారు. త్వరలోనే భారత మార్కెట్లోకి ఈ ట్యాబ్‌ను తీసుకురానున్నారు.
ఈ ట్యాబ్‌ ఫీచర్ల విషయానికొస్తే ఇందులో.. స్నాప్‌డ్రాగన్‌ 8ఎస్‌ జనరేషన్ 3 చిప్‌సెట్ ప్రాసెసర్‌ను అందించారు. ఇందులో 12.1 ఇంచెస్‌తో కూడిన ఎల్‌సీడీ స్క్రీన్‌ను ఇచ్చారు. 144Hz రిఫ్రెష్ రేట్, గరిష్టంగా 600నిట్స్ బ్రైట్‌నెస్‌ని ఇచ్చారు.
ఆండ్రాయిడ్‌ 14 ఆపరేటింగ్‌ సిస్టమ్‌తో ఈ పనిచేస్తుంది. ఇందులో 44 వాట్స్‌ ఛార్జింగ్‌కు సపోర్ట్‌ చేసే 10,000 ఎమ్‌ఏహెచ్‌ బ్యాటరీని అందించారు. ధర విషయానికొస్తే 128 జీబీ స్టోరేజ్‌ వేరియంట్‌ ధర రూ. 28,700, 512 జీబీ స్టోరేజ్‌ వేరియంట్‌ ధర రూ. 35 వేలకిపైగా ఉండొచ్చని అంచనా వేస్తున్నారు.
కెమెరా విషయానికొస్తే ఇందులో 8 మెగా పిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియో కాల్స్‌ కోసం ఇందులో 5 మెగాపిక్సెల్స్‌తో కూడిన ఫ్రంట్‌ కెమెరాను అందించారు. ఈ ట్యాబ్‌ బరువు 589.2 గ్రాములుగా ఉంది.
కనెక్టివిటీ విషయానికొస్తే ఇందులో వై-ఫై 6, బ్లూటూత్ 5.4 కనెక్టివిటీకి సపోర్టు ఇస్తుంది. యూఎస్‌బీ 3.2 జనరేషన్ 1 టైప్-సి పోర్ట్‌ను అందించారు.
