నేటి రాశి ఫలాలు.. ఈ రాశుల జీవితమే మారిపోతుంది🌟🔮

నేటి రాశి ఫలాలు (దిన ఫలాలు) తేదీ 18.01.2024 గురువారం మేషరాశి నుంచి మీన రాశి వరకు 12 రాశుల దిన ఫలాలు ఇక్కడ తెలుసుకోండి.🌟🔮

మేష రాశి

మేష రాశి వారికి ఈరోజు జన్మరాశి యందు గురుడు, లాభస్థానములో శని, వ్యయస్థానములో రాహువు ప్రభావంచేత పనులలో ఒత్తిళ్ళు ఏర్పడినప్పటికీ అనుకున్న పనులు అనుకున్న విధముగా పూర్తి చేస్తారు. భాగ్యములో రవి, కుజుడు, చంద్రుని ప్రభావం వలన శారీరక సౌఖ్యం, అనందం పొందెదరు. చెడు వ్యసనాలకు దూరంగా ఉండాలని సూచన. స్త్రీ సౌఖ్యం, ఆనందం పొందుతారు. ప్రయాణాలలో ధనాన్ని ఖర్చు చేస్తారు. ఉద్యోగస్తులకు ఈరోజు అనుకూల ఫలితాలు ఇస్తుంది. వ్యాపారస్తులకు ఖర్చులతో కూడుకున్నటువంటి సమయం. శివపార్వతులు అర్థనారీశ్వరుని రూపానికి ప్రతీక అయినటువంటి దక్షిణామూర్తిని చూడడం, దక్షిణామూర్తి స్తోత్రాలను పఠించడం చేత సమస్యలు తొలగి శుభ ఫలితాలు కలుగుతాయి.

వృషభ రాశి

వృషభ రాశి వారికి ఈరోజు మీకు కళత్ర స్థానములో బుధ, శుక్రుల అనుకూలత వలన కుటుంబ సౌఖ్యం, ఆనందం పొందెదరు. ఆనందం కోసం ప్రయాణములు వంటివి చేసెదరు. ప్రయాణాల కొరకు అధికముగా ధనాన్ని ఖర్చుపెట్టెదరు. స్త్రీ సౌఖ్యం, ఆనందము పొందెదరు. ఉద్యోగస్తులకు ఖర్చులతో కూడుకున్నటువంటి రోజు. వ్యయ స్థానములో గురుని ప్రభావం వలన ఖర్చులు నియంత్రించుకోవాలని సూచన. దశమంలో శని అనుకూలత వలన ముఖ్యమైన పనులు పూర్తి చేసెదరు. వ్యాపారస్తులకు మధ్యస్థ సమయం. ఈరోజు మరింత శుభఫలితాలు పొందడం కోసం దత్తాత్రేయుని పూజించాలి. శ్రీ గురు చరిత్ర పఠించడం దత్తాత్రేయ స్తోత్రాన్ని పఠించడం వలన శుభ ఫలితాలు కలుగుతాయి.

మిథున రాశి

మిథున రాశి వారికి ఈ రోజు మీకు కలిసి వస్తుంది. గురుడు లాభస్థానములో సంచరించుట వలన ధనలాభము, వస్తులాభం వంటివి కలుగును. కుటుంబ సభ్యులతో ఆహ్లాదకరంగా గడుపుతారు. భాగ్యములో శని ప్రభావం వలన వ్యసనాలకు దూరంగా ఉండాలని సూచన. శత్రు స్థానములో బుధ, శుక్రుల సంచారం వలన శత్రువుల వల్ల చికాకులు ఏర్పడును. కళత్రములో రవి ప్రభావం వలన జీవిత భాగస్వామితో భేదాభిప్రాయాలు ఏర్పడతాయి. వ్యాపారస్తులకు, ఉద్యోగస్తులకు అనుకూలించును. ఈరోజు మరింత శుభ ఫలితాలు పొందడం కోసం దత్తాత్రేయుని పూజించాలి. బ్రాహ్మణులకు గాని ముత్తయిదువలకు గాని తాంబూలం శెనగలను దానమివ్వడం మంచిది. శెనగలతో చేసిన ప్రసాదాన్ని నివేదన చేసి అది ప్రసాదంగా పంచి పెట్టాలి.

కర్కాటక రాశి

కర్కాటక రాశి వారికి ఈ రోజు మీకు మధ్యస్థం నుండి చెడు ఫలితాలున్నాయి. వ్యసనాలకు దూరంగా ఉండాలని సూచన. అష్టమ శని ప్రభావంచేత సమస్యలు కొంత వేధించును. రవి, కుజులు ఆరో స్థానములో అనుకూలత వలన ముఖ్యమైన పనులు పూర్తి చేసెదరు. బుధ, శుక్రుల ప్రభావం చేత ధనలాభము, వస్తులాభము కలుగును. ప్రయాణములో చికాకులు ఏర్పడు సూచన. శివపార్వతులు అర్థనారీశ్వరుని రూపానికి ప్రతీక అయినటువంటి దక్షిణామూర్తిని చూడడం, దక్షిణామూర్తి స్తోత్రాలను పఠించడం చేత సమస్యలు తొలగి శుభఫలితాలు కలుగుతాయి.

సింహ రాశి

సింహ రాశి వారికి ఈ రోజు మీకు అనుకూలంగా ఉంది. భాగ్యములో గురుని అనుకూల ప్రభావం వలన లాభము కలుగును. చతుర్ధంలో బుధ,శుక్రుల ప్రభావం చేత సౌఖ్యం, ఆనందము పొందుతారు. పంచమంలో రవి, కుజుల ప్రభావంచేత ఉద్యోగస్తులకు, వ్యాపారస్తులకు అనుకూల ఫలితాలు ఏర్పడతాయి. ఆనందం కోసం ధనాన్ని ఖర్చు చేసెదరు. ప్రయాణాలు అనుకూలించును. వాక్‌ స్థానములో కేతువు ప్రభావం వలన అవేశపూరిత నిర్ణయాలకు, గొడవలకు దూరంగా ఉండాలని సూచన. ఈరోజు మరింత శుభ ఫలితాలు పొందడం కోసం దత్తాత్రేయుని పూజించాలి. శ్రీగురుచరిత్ర పఠించడం, దత్తాత్రేయ స్తోత్రాన్ని పఠించడం వలన శుభఫలితాలు కలుగుతాయి.

కన్యా రాశి

కన్యా రాశి వారికి ఈ రోజు మీకు మార్చు తెచ్చేటటువంటి రోజు. మీరు చేసే ప్రయత్నాలు సఫలీకృతమగును. ఆరో స్థానములో శని అనుకూలత వలన ప్రయాణాలు అనుకూలించును. తృతీయంలో బుధ, శుక్రుల ప్రభావం వలన వ్యాపారాభివృద్ధి కలుగును. చతుర్ధంలో రవి, కుజుల ప్రభావం వలన కుటుంబ సభ్యులతో చర్చలలో భేదాభిప్రాయం ఉన్నప్పటికి మీ మాటే నెగ్గును. స్త్రీ సౌఖ్యం, ఆనందము పొందెదరు. ఉద్యోగస్తులకు మధ్యస్థ సమయం. వ్యాపారస్తులకు అనుకూలించును. విద్యార్థులకు కష్టపడవలసిన సమయం. బృహస్పతి అనుగ్రహం కోసం బ్రాహ్మణులకు గాని ముత్తైదువులకి శెనగలను దానమివ్వడం మంచిది. శెనగలతో చేసిన ప్రసాదాన్ని నివేదన చేసి అది ప్రసాదంగా పంచిపెట్టాలి.

తులా రాశి

తులారాశి వారికి ఈ రోజు మీకు అనుకూలించును. కళత్రములో గురుని ప్రభావం వలన కుటుంబ సభ్యుల ఆదరణ పొందెదరు. పంచమంలో శని, అరో స్థానములో రాహువు అనుకూల ప్రభావం వలన వృత్తి ఉద్యోగ వ్యాపారపరంగా అనుకూలించును. ధన స్థానములో బుధ,శుక్రుల ప్రభావం వలన ధనలాభం సౌఖ్యము కలుగును. ఈరోజు కొత్త వస్తువులు లభించును. స్త్రీలకు అనుకూల సమయం. శివపార్వతులుఅర్థనారీశ్వరుని రూపానికి ప్రతీక అయినటువంటి దక్షిణామూర్తిని చూడడం, దక్షిణామూర్తి స్తోత్రాలను పఠించడం చేత సమస్యలు తొలగి శుభ ఫలితాలు కలుగుతాయి.

వృశ్చిక రాశి

వృశ్చిక రాశి వారికి ఈరోజు మధ్యస్థ ఫలితాలున్నాయి. జన్మ రాశిలో బుధ, శుక్రుల ప్రభావం వలన శారీరక శ్రమ, అలసట కలుగును. సౌఖ్యం పొందినప్పటికి ఏదో విషయం మీద అలోచనలు, వేదన కలుగును. అర్భాష్టమ శని ప్రభావం వలన పనులయందు అలసత్వం ఏర్పడి ఒత్తిళ్ళకు గురి అవుతారు. ప్రణాళికాబద్ధంగా ముందుకు వెళ్ళకపోతే ఇబ్బందులు తప్పవు. వాక్‌ స్థానములో రవి, కుజుల ప్రభావం వలన గొడవలకు దూరంగా ఉండాలని సూచన. కోపము వలన నష్టపోయే సూచనలు ఏర్పడతాయి. శత్రు స్థానములో గురుని ప్రభావం వలన శత్రువుల వలన ఇబ్బందులు ఏర్పడును. ఈరోజు మరింత శుభఫలితాలు పొందడం కోసం దత్తాత్రేయుని పూజించాలి. శ్రీగురుచరిత్ర పఠించడం దత్తాత్రేయ స్తోత్రాన్ని పఠించడం వలన శుభ ఫలితాలు కలుగుతాయి.

ధనూ రాశి

ధనూ రాశి వారికి ఈరోజు మీకు అంత అనుకూలంగా లేదు. తృతీయంలో శని, పంచమంలో గురుడు అనుకూలంగా ఉన్నప్పటికి జన్మరాశి యందు రవి, కుజుల ప్రభావం వలన పనుల యందు ఒత్తిళ్లు, చికాకులు కలుగును. ఆరోగ్య విషయంలో కుటుంబ వ్యవహారాలలో ఖచ్చితమైన జాగ్రత్తలు వహించాలి. వ్యయస్థానములో బుధ, శుక్రుల ప్రభావం వలన ధన వ్యయం కలిగే అవకాశం ఉంది. ఖర్చులు నియంత్రించుకోవాలి. వ్యసనాలకు దూరంగా ఉండటం మంచిది. ప్రయాణాల కోసం దర్పణాల కోసం ధనాన్ని ఖర్చు చేసెదరు. స్త్రీలకు ఒత్తిళ్ళతో కూడినటువంటి సమయం. వ్యాపారస్తులకు మధ్యస్థ సమయం. ఉద్యోగస్తులకు ఈరోజు అనుకూలంగా ఉంది. ఈరోజు మరింత శుభఫలితాలు పొందడం కోసం బృహస్పతి అనుగ్రహం కోసం శెనగలు దానమివ్వాలి. బ్రాహ్మణులకు గాని ముత్తైదువులకి తాంబూలం శెనగలను దానమివ్వడం మంచిది. శెనగలతో చేసిన ప్రసాదాన్ని నివేదన చేసి అది ప్రసాదంగా పంచిపెట్టాలి.

మకర రాశి

మకర రాశి వారికి ఈరోజు మీకు మధ్యస్థం నుండి అనుకూల ఫలితాలున్నాయి. లాభ స్థానములో బుధ, శుక్రుల వలన ధనలాభం, వస్తులాభం కలుగును. సౌఖ్యం, భోగం కలుగును. వ్యయ స్థానములో రవి, కుజులు, ధనస్థానములో శని (ఏలినాటి శని) ప్రభావం చేత ఖర్చులు నియంత్రించుకోవాలని సూచన. అనవసరమైన ఖర్చులు పెరుగును. ప్రయాణములో ధన వ్యయం కలుగు సూచన. వ్యసనాలకు దూరంగా ఉండాలని సూచన. ఉద్యోగస్తులకు మధ్యస్థ సమయం. వ్యాపారస్తులకు మధ్యస్థం నుండి చెడు ఫలితాలు అధికముగా ఉన్నాయి. అరోగ్య విషయంలో జాగ్రత్త వహించండి. శివపార్వతులు అర్థనారీశ్వరుని రూపానికి ప్రతీక అయినటువంటి దక్షిణామూర్తిని చూడడం, దక్షిణామూర్తి స్తోత్రాలను పఠించడం చేత సమస్యలు తొలగి శుభ ఫలితాలు కలుగుతాయి.

కుంభ రాశి

కుంభ రాశి వారికి ఈరోజు మీకు మార్పు కలిగేటువంటి పరిస్థితి గోచరిస్తుంది. ఏలినాటి శని జన్మశని ఉన్నప్పటికి లాభస్థానములో రవి, కుజుల ప్రభావం వలన ధనలాభము, వస్తులాభము కలుగును. ముఖ్యమైన పనులు పూర్తి చేసెదరు. దశమంలో బుధ, శుక్రుల అనుకూల ప్రభావం వలన ఉద్యోగ ప్రయత్నాలు సఫలీకృతమగును. ఉద్యోగస్తులకు అనుకూలమైన రోజు. వ్యసనాలకు దూరంగా ఉండాలని సూచన. వాక్‌ స్థానములో రాహువు ప్రభావం వలన అవేశపూరిత నిర్ణయాలకు, గొడవలకు దూరంగా ఉండాలి. స్త్రీలకు అనుకూలించును. ఈరోజు మరింత శుభఫలితాలు పొందడం కోసం దత్తాత్రేయుని పూజించాలి. శ్రీగురుచరిత్ర పఠించడం దత్తాత్రేయ స్తోత్రాన్ని పఠించడం వలన శుభ ఫలితాలు కలుగుతాయి.

మీన రాశి

మీన రాశి వారికి ఈ రోజు మీకు మధ్యస్థ ఫలితాలున్నాయి. ఏలినాటి శని ప్రభావం, జన్మ రాహువు ప్రభావం చేత ఖర్చులు నియంత్రించుకోవాలని సూచన. గొడవల వల్ల మీ ప్రవర్తన వలన ఇబ్బందులు పెరుగును. దశమంలో రవి, కుజుల ప్రభావం వలన మీన రాశి వారికి వృత్తి ఉద్యోగ వ్యాపారపరంగా అనుకూల ఫలితాలు కలుగును. భాగ్యములో బుధ, శుక్రుల ప్రభావంచేత ధనలాభము, వస్తులాభము కలుగును. ప్రయాణాలలో ధనవ్యయం కలుగు సూచన. వ్యసనాలకు దూరంగా ఉండాలని సూచన. అవేశపూరిత నిర్ణయాలతో సమస్యలు అధికమగును. ఈరోజు మరింత శుభఫలితాలు పొందడం కోసం ఈరోజు బృహస్పతి అనుగ్రహం కోసం శెనగలు దానమివ్వాలి. శెనగలతో చేసిన ప్రసాదాన్ని నివేదన చేసి అది ప్రసాదంగా పంచిపెట్టాలి.